20:1  Aus de Oprua opjehiat haud, roopt Paulus de Jinja nö zikj zelfst, omoamd ent, un feleet toom nö Masedöniejan gönn.

2  Nü aus hee wia rüt jegönn äwa dee Jäajent un haud ent Moot too jespräaken met fäl Wiad, kjeem hee nö Jriechenlaunt

3  un hee bleef doa dree Moonat. Un aus de Jüden jäajen am plönden aus hee reed wia toom nö Siariejan too zäajelen, entsheid hee trigj reizen derrch Masedöniejan.

4  Un Söpäter fon Berieja bejleit am nö Azien; uk Aristarrkus un Sekundus fon Tesalonichan, un Gäjus fon Derrbie, un Timotäjus, un Tikiekus un Trofimus fon Azien.

5  Dise Mana jinjen Ferop, un lüaden fe ons bie Tröaz.

6  Öba wie zäajelden waich nö Filipie nö de Däujgel fon Onjezüadet Broot, un en fief Däugjel kjeemen zee toop bie Trö‘az, un wie bleewen doa zäwen Däujgel.

7   Nü aun dem iashten Dach fon de Wäakj, aus de Jinja wiarren toop jekömen toom Broot bräakjen, Paulus, reed toom felöten dem näaksten Dach, räd too ent un hilt aun met de Bootshoft bot Mednacht.

8  Doa wiarren fäl Laumpen en de Böwastöw wua zee toop fezaumelt wiarren.

9  Un en un Fensta zaut un wesa junga Maun met Nömen Jütikus, dee doa rauf zunk en un deepen Shlöp nen. Hee wia äwakömen met Shlöp; un wiel Paulus lang aun hilt met räden, fol hee fon dem dreden Stok un worrt Doot opjenömen.

10  Öba Paulus jinkj rauf, fol op am, un omoamd am un zäd, „Doot jünt nich trubeln, dan zien Läwen es noch en am.“

11 Nü aus hee wia nop jekömen, haud Broot jebräaken un jejäten, un haud un langet stoot jerädt, zoogoa bot de Dach brüak, feleet hee.

12  Un zee brochten dem jungen Maun läwentich nen, un zee wiarren nich bloos un bät jetreest.

13   Dan jinkj wie ferop nö det Shep un zäajelden nö Asos, un doa wul wie Paulus op det Shep nämen; dan zoo haud hee bestalt, dan hee zelfst wul toofoot gönn.

15  Wie zäajelden fon doa, un dem näaksten Dach kjeem wie äwa fon Kiejos. Dem foljenden Dach kjeem wie nö Samos un bleewen bie Trogiliejum. Dem näaksten Dach kjeem wie nö Milietus.

16  Dan Paulus haud entsheiden febie Efesus too zäajelen, zoo daut hee nich brukt Tiet nämen en Azien; dan hee spood zikj toom bie Jerüzalem zenn, wan mäajlich, aun dem Pikjsdach.

17   Fon Milietus shekjt hee nö Efesus un roopt fe de Eltestash fon de Kjoakj.

18  Un aus zee wiarren nö am jekömen, zäd hee too ent: „Jie weeten daut fon dem iashten Dach aus  Ekj nö Azien kjeem, en waut fon Waich ekj ema ha mank jünt jewönt,

19  ‘” un dem Harrn deend met aule Deemütichkjeit, met Trönn un Proowungen waut mie pesiaden derrch de Jüden äare Plöns;

20  “woo ekj nusht trigj hilt waut doa halpfol wia, un müak daut bekaunt too jünt, un unjarecht jünt efentlich un fon Hüs bot Hüs,

21  “un seijd `too Jüden, un uk too Jriechen, Büsee too Got un Gloowen too onzem Harrn Jeezus Kjristus.

22  “Un zeetemöl, nü gö ekj jebungen en dem Jeist nö Jerüzalem, un weet nich de Dinja waut mie doa pesiarren woarren,

23  “büta daut de Heilja Jeist seicht en jieda Staut, un zaicht daut Kjäden un Proowtieden lüaren fe mie.

24  “Öba kjeene fon dize Dinja riarren mie; ekj tal uk nich mien Läwen dia too mie zelfst, zoo daut ekj mucht mien Rees foadich brinjen met Freid, un dem Aumpt waut ekj jekjräajen ha fon dem Harrn Jeezus, toom seijen too det Eefanjeeliejum fon Got ziene Jnöd.

25  “Un werrkjlich, nü daut ekj weet daut jie aula, mank wäm ekj zen jegönn Got zien Rikj too prädjen, woarren mien Jezecht nich meeja zeenn.

26  “Doawäajens seij ekj too jünt disem Dach daut ekj onshuldich zen fon det Bloot fon aulem.

27  “Dan ekj ha mie nich jemeidt jünt Got zien gaunset Röt too beheipten.

28  “Doawäajens paust op nö jünt zelfst un nö de Häad, mank woone de Heilja Jeist jünt haft Äwazechta jemäakt, toom Got ziene Kjoakj hoaden, waut hee haft met zien äjenet Bloot jekoft.

29  “Dan ekj weet dit, daut nö mienem felöten woarren ferietende Wilw mank jünt kömen, un woarren de Häad nich spoarren.

30  “Uk fon mank jünt zelfst woarren Mana opstönn, un fedreide Dinja räden, toom Jinja waich traikjen nö zikj zelfst.

32  “Doawäajens wäakt, un hoolt aun dem Denkj daut fe dree Joa hiad ekj nich op met jünt woarrnen Nacht un Dach met Trönn.

32  “Un nü, Breeda, ekj jäw jünt han nö Got un too det Wuat fon ziene Jnöd, waut jünt kaun opbüjen un jünt un Oaftgoot jäwen mank aul dee waut jeheilicht zenn.

33  “Ekj ha kjeenem zien Zelwa ooda Golt ooda Kjleedie jejielt.

34  “Jo, jie zelfst weeten daut dise Henj han fezorrcht nö waut mie fäld, un fe dee waut met mie wiarren.

35  “Ekj ha jünt jewäzen en jieda Waich, derrch zoo aus dit shaufen, daut jie moten de shwake biestönn. Un hoolt aun dem Denkj dem Harrn Jeezus ziene Wiad waut hee zäd, ‚Daut es meeja jezäajent toom jäwen aus toom kjrian.‘“

36    Un aus hee dize Dinja jezaicht haud, kjneed hee zikj un bäd met ent aula.

37  Dan hielden zee aula efentlich, un folen op Paulus zien Jenekj un kusden am,

38  un trüaden miashtens fon aules fe de Wiad waut hee zäd, daut zee wuaden zien Jezecht nich meeja zeenn. Un zee bejleiten am nö det Shep.