6:1  Breeda, went un Mentsch äwentömen es en irrjent ne Äwaträdunk, jie dee doa jeistlich zenn, foadicht zoonem en un Zaunftmütjen Jeist, wiels jie nö jünt zelfst oppausen doamet jie nich uk jeproowt woarren.

2  Dräacht eena dem aundrem ziene Lausten, un zoo errfelt Kjristus zien Jezats.

3  Dent went irrjent eena zikj zelfst denkjt waut too zenn, went hee nusht es, dee bedraicht zikj zelfst.

4  Öba löt un jiedrum zien äjenet Woakj unjazäkjen, un dent woat hee Freid hent en zikj zelfst auleen, un nich en un aundrem.

5  Dent un jiedra zaul ziene äjene Fua dräujgen.

6  Löt däm waut doa det Wuat jeliat woat metdeelen en aule goode Dinja met däm waut doa unjarecht.

7  Ziet nich bedräacht, Got es nich jespot; dent wautema un Mentsch zeit, daut woat hee uk arrnten.

8  Dent dee waut too det Fleesh zeit woat Fedoawnis arrnten, öba dee waut too dem Jeist zeit woat fon dem Jeist det eewjet Läwen arrnten.

9  Un löt ons nich meed woarren en goots doonn, dent en de raichte Tiet woa wie arrnten went wie nich Hoat feliarren.

10  Doawäajens, zoo aus wie jeläajenheit hent, löt ons Goots doonn too aulem, opoatlich too dee waut fon det Hüshault fon dem Gloowen zenn.

11 Zeet met waut fone groote Laterrn ekj nö jünt jeshräwen ha met miene äjene Haunt!

12  Zoo fäl aus felentgen un goodet Bilt too mäaken en det Fleesh, dee felentgen fon jünt beshnäden too woarren daut zee nich muchten Fefoljunk fe dem Kjriets fon Kjristus lieden.

13  Dent nich möl dee waut beshnäden zenn hoolen det Jezats, öba zee felentgen toom jünt beshnäden hent, daut zee muchten en jün Fleesh puchen.

14  Öba mucht daut niemöls zenn daut ekj zul puchen büta en dem Kjriets fon onzem Harrn Jeezus Kjristus, derrch wäm de Welt too mie jekjrietsicht es, un ekj too de Welt.

15  Dent en Kjristus Jeezus nich Beshniedunk uk nich Onbeshniedunk talt irrjentwaut, öba ne nieje Kjreejatüa.

16  Un zoo fäl aus nö dize räajel waundeln, mucht Fräd un Errboarrmen op ent zenn, un op det Iesra’eel  fon Got.

17  Fon nü aun löt kjeenem mie trubeln, dent ekj dräujg en mienem Kjarrpa de Täkjens fon dem Harrn Jeezus.

18  Breeda, mucht de Jnöd fon onzem Harrn Jeezus Kjristus met jünem Jeist zenn. Amen (Too de Galatan, jeshräwen fon Room.)