1:1  Got, dee too feshiednichste Tieden un en feshiednichste Wäaj räd en fegönende Tieden too de Födash derrch de Profeeten,

2 haft en dise latste Däujgel jerädt too ons derrch zienem Zän, wäm hee haft hanjestalt toom Oaw zenn fon aule Dinja, derrch wäm hee uk de Welten müak,

3 dee doa det Dachtet wia fon ziene Harrlichkjeit un det kraiktet Bilt fon ziene Perzoon, un aule Dinja drüach derrch det Wuat fon ziene Krauft, aus hee bie zikjzelfst[1] onze[2] Zinden aufjefiat haud, zaut döl bie de raichte Haunt fon de Madastichkjeit en dem hüajgen,

4  wiels hee es zoo fäl bäta jeworrden aus de Enjeln, zoo aus hee derrch de Oawunk un fäl bätra Nömen jekjräajen haud aus dee.

5  Dan too woone fon de Enjeln zäd hee jeemöls:

“Dü best mien Zän,

          Fondäujgel ha ekj die jefödat”? ^{Ps 2:7}

Un wada:

“Ekj woa too am un Föda zenn,

                Un hee zaul un Zän zenn too mie”? ^{2Zam 7:14}

6 Öba aus hee dem Iashtjeboorrnen wada en de Welt nen brinjt, zaicht hee:

“Löt aul Got ziene Enjeln am aunbäden.“ ^{Ps 97:7}

7  Un fon de Enjeln zaicht hee:

“Wäa mäakt ziene Enjeln Jeista,

          Un ziene Deena ne Fiaflaum.” ^{Ps 104:4}

8  Öba too dem Zän zaicht hee:

„Dien Troon, Ö Got, es fe’ema un ema;

          Un Septa fon Jeraichtichkjeit es de Septa fon

                dienem Rikjdom.“

9       Dü hast Jeraichtichkjeit jeleewt un

                Jezatsloozichkjeit jehaust;

          Doawäajens Got, dien Got, haft die bezaulwt

          Met de Eelj fon Frooheit meeja aus diene

                Poatnash.“ ^{Ps 45:6,7}

10  Un:

“Dü, Ö HARR, en dem Aunfank lädst dem Grunt                   fon de Iad,

          Un de Himels zenn de Oabeit fon diene Henj.

11     Dee woarren fekömen, öba dü woasht bliewen;

Un dee woarren oolt woarren zoo aus un Rok;

12     Zoo aus un Äwarok woasht dü dee toop läijen,

          Un dee woarren fe’endat woarren.

          Öba dü best äwareen, un diene Joarren woarren

                nich fälahauft zenn.“ ^{Ps 102:25-27}

13  Öba too woone fon de Enjeln haft hee jeemöls jezaicht:

“Zet aun miene raichte Haunt,

Bot ekj diene  Fiend diene Footbenkj

                mäak”? ^{Ps 110:1}

14  Zenn dee nich aula deenende Jeista rüt jeshekjt toom dee deenn waut woarren de Radunk oawen?

[1] NU-Taikst läat bie zikjzelfst üt.

[2] NU Taikst lät onze üt.