8:1  Nü dit es de Hauptpunkt fon de Dinja waut wie zaijen: Wie han zoonem Hüajgapriesta, dee doa aun de raichte Haunt zet fon dem Troon fon de Madastichkjeit en de Himels,

2  un Deena fon det Heilichtüm un fon det Woaret Selt waut de Harr opstald, un nich Mensch.

3  Dan jieda Hüajgapriesta es hanjestalt toom beides Göwen un Opfash operrn. Doawäajens es daut needich daut disa uk waut haud toom opferrn.

4  Dan wan hee op Iaden wia, wuad hee nich un Priesta zenn, wiels doa zenn Priesta dee doa Göwen opferrn nö det Jezats nö;

5  dee doa dem Kopie un Shauten deenn fon de Himelshe Dinja, zoo aus Moozes jetlich befölen wia aus hee reed wia det Selt too mäaken. Dan hee zäd, „Zee daut dü aule Dinja mäakst nö det Bilt waut die  jewäzen wia op dem Boach.“ ^{Ex 25:40}

6  Öba nü haft hee un bätret Aumt jekjräajen, enzoofäl aus hee uk un Medla es fon un bätret Bunt, waut op bätre Fespräakungen jejrindt wia.

7  Dan wan det iashtet Bunt wia fälaloos jewast, dan wuad kjeene Städ zenn jezocht fe det tweedet.

8  Wiels hee fäla funk met ent, zaicht hee: “Zeetemöl, de Däujgel kömen, zaicht de HARR, wan ekj woa ne nieje Febinjunk mäaken met det Hüs fon Iesra’eel, un met det Hüs fon Jüda,

9  “nich nö det Bunt nö waut ekj met äare Födash müak en dem Dach aus ekj ent bie de Haunt noom ent üt det Launt fon Ajipt rüt too leiden; wiels zee bleewen nich en mien Bunt, un ekj acht ent nich, zaicht de HARR.

10  “Dan dit es de Bunt waut ekj woa mäaken met det Hüs fon Iesra’eel nö dee Däujgel, zaicht de  HARR: ekj woa miene Jezatsen en äare Zens nen doonn un dee op äare Hoaten shriewen; un ekj woa äa Got zenn, un zee woarren miene Menschen zenn.

11  Kjeene fon ent zaul zienem Nöba liarren, un kjeena zienem Brooda, un zaijen, ‘Kjan dem HARRN,’ dan aule woarren mie kjann, fon de kjlanste fon ent bot de jratste fon ent.

12  “Dan ekj woa Errboarrmunk zenn too äare Onjeraichtichkjeiten, un äare Zinden un äare Jezatslooze Döten[1] woa ekj nich meeja aun dem Denkj hoolen.” ^{Jer 31:31-34}

13  En daut hee zaicht, “Un niejet Bunt,” haft hee det iashtet oolt jemäakt. Nü waut doa oolt woat un fe’elat, es reed toom feshwinjen.

[1] NU-Taikst lat Jezatslooze Doten üt.