3:1  Miene Breeda, löt nich fäle fon jünt Liarash woarren, wiels jie weeten daut wie woarren strenjret Jerecht kjrian.

2  Dan wie stolperrn aule en fäle Dinja. Wan irrjent eena nich felt en Wuat, dee es un folkömenda Mensch un kaun zienem gaunsen Kjarrpa beteemen.

3 Zeetemöl, wie doonn Jebeta en Piad äare Miela daut dee ons Jehoorrzom zenn, un wie dreijen äarem gaunsen Krarrpa.

4 Kjikjt nö de Shäp: wan dee uk noch zoo groot zenn un zenn jedräwen bie ferrchtboare Wind, zenn dee jewonjen bie un zeeja kjlienet Stiaroodel wua’ema de Shepfuamaun wel.

5 Zoo uk de Tung es zoon kjlienet Jlet un pucht groote Dinja. Zeet waut fon grootet Woolt un kjlienet Fia aunstekjt!

6 Un de Tung es un Fia, ne Welt fon Onjeraichtichkjeit. De Tung es zoo jezat mank onze Jlieda daut dee dem gaunsen Kjarrpa enshwient, un stekjt de gaunse Natüa aun Fia; un dee es aun Fia jestekt fon de Hal.

7 Dan fon jieda Zorrt Beest un Fäujgel, fon Krüpende Kjräten un Kjreejatüaren fon de Zee, es jetömt, un es worrden jetömt fon Menschheit.

8 Öba kjeena kaun de Tunj tömen. Dee es un  onräajelmäsjet shlaichtet, fol fon doodesjefäadeljet Jeft.

9  Met dee zäajen wie onzem Got un Föda, un met dee fefluch wie Mensch, dee doa en Got zienem Jlikjnis jemäakt es.

10  Üt det nämeljet Mül foarren zäajenen un fluchen. Miene Breeda, dize Dinja zulen nich zoo zenn.

11  Shekjt un Sprinkj freshet Wöta rüt un betret fon de zelwje Öpninj?

12  Kaun un Fiejen Boom, miene Breeda Oliewen Bäaren dräujgen, ooda ne Wienrank Fiejen? Zoo shekjt un Sprinkj uk nich beides Zolt Wöta un freshet rüt. [1]

13  Wäa es Weiz un Festönent mank jünt? Löt am wiezen fon un gooden Läwenswaundel daut ziene Woakjen zenn jedönen en Zaunftmütichkjeit un Weisheit.

14  Öba wan jie betre Aufgonst han un iabejiarich zenn en jüne Hoaten, pucht nich un lät nich jäajen de Woarheit.

15  Dize Weisheit kjemt nich fon böwen, öba es irrdish, jezenich, un diewlish.

16  Dan wua Aufgonst un Iabejia es, Fewerunk un jieda nutsloozet dinkj woat doa zenn.

17  Öba de weisheit waut fon böwen es, es iasht rein, dan frädlich, dan jelind, welich toom biejäwen, fol fon errboarrmen un goode Frucht, önparteijish, un önen heichlarie.

18  Nü de Frucht fon Jeraichtichkjeit es jezeit en Fräd bie dee waut Fräd mäaken.

[1] NU-Taikst last. Un zoltja Sprinkj kaun uk nich freshet Wöta produtsierren.