1:1  Peetrus,un Apostel fon Jeezus Kjristus, Too de Pilja fon de Fespreedunk en Pontus, Galatiejan, Kapadösiejan, Azien, un Betiniejan,

2 ütjewält nö Got ziene Fäawisenshoft nö, en de Heiljunk fon dem Jeist, fe Jehoorrzomkjeit un Bespretsunk fon Jeezus Kjrisftus zien Bloot: Jnöd zie too jünt un Fräd jemultiplitsiat.

3 Jezäajent zie de Got un Föda fon onzem Harrn Jeezus Kjristus, dee doa nö ziene äwaflisende Errboarrmunk ons haft wadajefödat too ne läwenje Höpninj derrch de Oparrstönunk fon Jeezus Kjristus fon de Doodes,

4 nö un Oawgoot onfejenkjlich un onenjeshwient un waut doa nich feshwinkjt, feshlöten en dem Himel fe jünt,

5 dee doa derrch Got ziene Krauft jehoolen zenn derrch Gloowen fe de Radunk reed toom je‘öpenboat woarren en de latste Tiet.

6 En dit frei jie jünt zeeja, wan nü uk fe un kjlienet stootsje, wan daut needich es, jie zenn worrden fetrüat derrch feshiednichste Proowungen,

7 daut de Reinheit fon jünem Gloowen, wielt daut fäl kjestlicha es aus Golt waut fekjemt, wan daut uk jeproowt es bie Fia, mucht jefungen woarren too Preiz, Ia, un Harrlichkjeit bie de Öpenboarunk fon Jeezus Kjristus,

8  wäm, wiels jie am nich jezeenen han doch leew jie am. Wan jie am nü uk nich zeenn, doch jleew jie, un jie freijen jünt met onütspräakliche Freid un fol fon Harrlichkjeit,

9  un kjrian det Enj fon jünem Gloowen, de Radunk fon jüne Zeelen.

10   Nö dize Radunk han de Profeeten zorrjfeltich jefräacht un jezocht, dee doa profetseiden fon de Jnöd waut  too kömen wia,

11  un zochten waut, un en woone Tiet, Kjristus zienem Jeist, dee doa en ent wia, aundieden deed aus hee en dem Ferüt de Liedungen fon Kjristus seijd un de Harrlichkjeiten waut foljen wuaden.

12  Too ent wia daut je’öpenboat daut, nich too ent zelfst, öba zee deenden de Dinja aun too ons waut  aunjemaldt zenn too jünt derrch dee waut det Eefanjeeliejum too jünt prädjen derrch dem Heiljen Jeist fon dem Himel, Dinja waut de Enjeln felangen nen too kjikjen.

13  Doawäajens gorrt de Lenjen fon jünem Zen op, ziet iaboa, un rüt jüne Höpning fefol op de Jnöd waut zaul jebrocht woarren nö jünt bie de Öpenboarunk fon Jeezus Kjristus;

14  zoo aus jehoorrzome kjinja, nich jünt zelfst hanstalen nö de Fegonende Menschenlosten, zoo aus en jüne Onwisenshoft;

15  öba zoo aus dee waut jünt roopt heilich es, ziet jie uk heilich en aul jünem Waundel.

16  wiels daut es jeshräwen, “Ziet heilich, dan ekj zen heilich.” ^{3 Moo 11:44,45; 19:2; 20:7}

17  Un wan jie aun dem Föda roopen, dee doa onpartiejish Recht nö jieda eenem zien Woakj nö, fehoolt jünt zelfst fe de äwaje Tiet waut jie hia bliewen en Forrcht;

18  wiels jie weeten daut jie wiarren nich loosjekoft met fejenkjliche Dinja, zoo aus Zelwa ooda Golt, fon jün romstrikjenden Läwenswaundel waut jie kjräjen fon jüne Födash,

19  öba met det kjestlichet Bloot fon Kjristus, aus fon un Laum önen fäla un önen ne Plak.

20  Hee wia werrkjlich fäajestalt eeja de Welt jejrindt wia, öba wia je’öpenboat en dize latste Däujgel fe jünt

21  dee doa derrch am jleewen aun Got, dee am oprecht fon de Doodes un jeef am Harrlichkjeit, zoo daut jün Gloowen un Höpninj en Got zenn.

22  Wiels jie jüne Zeelen han jereinicht en de Woarheit jehoorrzom too zenn derrch dem Jeist[1] en kloare Leew fon de Breeda, leewt eena dem aundrem flietich met un kloaret Hoat,

23  wiels jie zenn wada jeboorren, nich fon fejenkjlichet Zöt öba fon onfejenkjlichet, derrch Got zien Wuat waut doa läwt un fe’ema blift,[2]

24  wiels

“Aulet Fleesh es zoo aus Graus,

          Un aul de Harrlichkjeit fon Mensch[3]

                es zoo aus de Bloom fon Graus.

          Det Graus fedrächt, Un de Bloom felt waich,

25     Öba dem Harrn zien Wuat blift fe’ema.” ^{Isa 40:6-}

⁸ Nü dit es det Wuat waut derrch det Eefanjeeliejum too jünt jeprädicht wia.

[1] NU-Taikst lat derrch dem Jeist üt.

[2] NU-Taikst lat fe’ema üt.

[3] NU-Taikst last aul zien Harrlichkjeit.