9:1  Nü aus Jeezus febie jinkj, zach hee un Maun waut blint wia fon jeburrt.

2 Un ziene Jinja früajgen am un zäden, „Rabie, wäa haft jezindicht, dis Maun ooda ziene Elerrn, daut hee blint jebooren wia?“

3 Jeezus autwuad, “Nich dis Maun ooda ziene Elerrn zindijden, öba daut de Woakjen fon Got zulen jeöpenboat woarren en am.

4 “Ekj mot de Woakjen shaufen fon däm dee mie shekjt wielt daut noch Dach es; de Nacht kjemt wan kjeena shaufen kaun.

5 “Zoo lang aus ekj en de Welt zen, zen ekj det Licht fon dee Welt.”

6 Aus hee dize Dinja jezaicht haud, späch hee op de Iad un müak Leem met zien Kjwiel; un hee beshmäad de üajgen fon dem blinjen Maun met Leem.

7 Un hee zäd too am, “Go, waush en det Wöta Sailö‘am“ (waut fedolmescht es, Jeshekjt). Dan

jinkj hee un wosh, un kjeem zeenent trigj.

8 Doawäajens zäden de Nöbash un dee waut eeja jezeenn hauden daut hee blint wia, „Es dit nich dee waut doa zaut un prachad?“

9 Wese zäden, “Dit es dee.” Aundre zäden, “Hee likjent am.” Hee zäd, “Ekj zen dee.”

10 Dan zäden zee too am, “Woo wiarren diene Üajgen öp jemäakt?“

11 Hee auntwuad un zäd, “Un Maun waut Jeezus heet müak Leem un beshmäad miene Üajgen un zäd too mie, ‘Gö nö det Wöta Sailö’am un waush.’ Dan jinkj ekj un wosh, un kjräch Zecht.”

12 Dan zäden zee too am, “Wua es hee?” Hee zäd, “Ekj weet nich.”

13  Zee brochten däm waut iasht wia blint jewast nö de Foarizäja.

14  Nü daut wia de Zabat aus Jeezus Leem müak, un ziene Üajgen op müak.

15 Dan früajgen de Foarizäja am uk wada woo hee zien Zecht jekjräajen haud. Un hee zäd too ent, “Hee deed Leem aun miene Üajgen, un ekj wosh, un ekj zach.”

16 Doawäajens zäden wese fon de Foarizäja, „Dis Maun es nich fon Got, wiels hee helt dem Zabat nich.“ Aundre zäden, “Woo kaun un Mensch waut doa un Zinda es zoone täkjens doonn?“  Un doa wia ne deeling mank ent.

17 Zee zäden too dem blinjen Maun, “Waut zaichts dü wäajen am doawäajens daut hee diene Üajgen öp müak?“ He zäd, “Hee es un Profeet.”

18 Öba de Jüden jleewden nich wäajen am, daut hee wia blint jewast un haud Zecht jekjräajen, bot zee de Elerrn fon däm waut haud Zecht jekjräajen roopten.

19 Un zee früajgen ent un zäden, “Es dit jün Zän, fon wäm jie zaijen dee wia blint jeboorren? Woo kaun dee dan nü zeenn?“

20 Ziene Elerrn auntwuaden ent un zäden, „Wie weeten daut dit ons Zän es, un daut dee Blint jeboorren wia;

21 “öba derrch waut hee nü zit weet wie nich, ooda wäa am de Üajgen öp müak weet wie nich. Hee es oolt jenüach; fräacht am. Hee woat fe zikj zelfst räden.“

22 Ziene Elerrn zäden dize Dinja wiels zee angst wiarren fon de Jüden, dan de Jüden stemden öl daut wan irrjent eena bekjand daut hee de Kjrist wia, däm wuaden zee üt de Zienagog stopen.

23 Doawäajens zäden ziene Elerrn, „Hee es oolt jenüach; fräacht am.“

24 Dan roopten zee wada dem Maun waut doa blint wia un zäden too am, „Jeff Got de Ia! Wie weeten daut dis Maun un Zinda es.“

25 Hee auntwuad un zäd, „Aus hee un Zinda es ooda nich, daut weet ekj nich. Een dink weet ekj: daut ekj wia blint, un nü zee ekj.“

26 Dan zäden zee wada too am, „Waut deed hee too die? Woo deed hee diene Üajgen öp mäaken?“

27 Hee auntwuad ent, “Ekj zäd jünt öl, un jie horrchten nich. Wuarom well jie daut wada hiarren? Well jie uk ziene Jinja woarren?“

28 Dan shempten zee am üt un zäden, „Dü best zien Jinja, öba wie zenn Moozes ziene Jinja.

29  “Wie weeten daut Got räd too Moozes; aus fe disem, wie weeten nich wua dee häa es.“

30  De Maun auntwuad un zäd too ent, „Na öba, dit es un errstaunendet Dinkj daut jie nich weeten fon wua hee es, doch haft hee mie de Üajgen öp jemäakt!“

31 “Nu, wie weeten daut Got hiat nich Zinda; öba wan irrjenteena un Aunbäda fon Got es un deit waut hee Wel, däm hiat hee.

32 Fon don aus de Welt aunfonk es daut nich jehiat worrden daut irrjent eena de Üajgen haft öp jemäakt fon eenem waut doa blint jeboorren wia.

33 “Wan dis Maun nich fon Got wia, kun hee nusht doonn.”

34 Zee auntwuaden un zäden too am, “Dü wiasht gauns un goa en Zind jebooren, un liash dü ons?” Un zee shmeeten am rüt.

35 Jeezus hiad daut zee am hauden rüt jeshmäten; un aus hee am funk, zäd hee too am, „Jleewst dü aun dem Zän fon Got?“

36 Hee auntwuad un zäd, “Wäa es hee, Harr, daut ekj aun am mucht jleewen?”

37 Un Jeezus zäd too am, “Dü hast am beides jezeenn, un daut es dee waut met die rädt.“

38 Dan zäd hee, “Harr, ekj jleew!” Un hee bäd am aun.

39  Un Jeesus zäd, „Fe Jerecht zen ekj en dize Welt nen jekömen, daut dee waut nich zeenn muchthen zeenn, un daut dee waut zeenn muchten blint jemäakt woarren.

40 Wese dan, fon de Foarizäja waut met am wiarren hiaden dize Wiad, un zäden too am, „Ze wie uk blint?“

41 Jeezus zäd too ent, „Wan jie blint wiarren, wuad jie nich Zind han; öba nü zaij jie, ‚Wie zeenn.‘ Doawäajens blift jüne Zind.“