17:1   Jeezus räd dize Wiad, un hoof ziene Üajgen op nö dem Himel, un zäd: „Föda, de Stund es jekömen. Feharrlich dienem Zän, daut dien Zän die mucht feharrlichen,

2 “zoo aus dü am hast Machtraicht jejäwt äwa aulet Fleesh, daut hee zul det eewjet Läwen jäwen too zoo fäl aus dü am hast jejäft.

3 “Un dit es det eewjet Läwen, daut zee die muchten kjann, de eensja woara Got, un Jeezus Kjristus wäm dü hast jeshekjt.

4 “Ekj ha die feharrlicht op de Iad. Ekj ha de Oabeit foadich jebrocht waut dü mie jeefst too doonn.

5 “Un nü, Ö Föda, feharrlich mie met die zelfst toop, met de Harrlichkjeit waut ekj haud met die eeja de Welt wia.

6 “Ekj ha dienem Nömen je’openboat too de Mana waut dü mie üt de Welt jejäwt hast. Zee wiarren diene, dü jeefst dee nö mie, un zee han dien Wuat jehoolen.

7 “Nü han zee jewist daut aule Dinja waut dü mie jejäft hast zenn fon die.

8 “Dan ekj ha ent de Wiad jejäft waut dü mie jejäft hast; un zee neemen dee aun, un han feneiw jewist daut ekj rüt kjeem fon die; un zee han jejleewt daut dü mie shekjst.

9 “Ekj bäd fe ent. Ekj bäd nich fe de Welt öba fe dee waut dü mie jejäwt hast, dan zee zenn diene.

10 “Un aul miene zenn diene, un diene zenn miene, un ekj zen feharrlicht en ent.

11 Nü zen ekj nich meeja en de Welt, öba dize zenn en de Welt, un ekj köm nö die. Heilja Föda, hool dee waut dü mie jejäft hast derrch dienem Nömen, daut zee mäajen eent zenn zoo aus wie zenn.

12 “Wielt ekj noch met ent wia en de Weilt, hilt ekj ent en dienem Nömen. Dee waut dü mie jeefst ha ekj jehoolen; un kjeena fon dee es feloarren büta de Zän fon de Fedoawnis, daut de Shreft mucht errfelt woarren.

13 “Öba nü zen ekj nö die jekömen, un dize Dinja ha ekj jerädt en de Welt, daut zee mäajen miene Freid errfelt han en zikj zelfst.

14 “Ekj ha ent dien Wuat jejäwt; un de Welt haft ent jehaust wiels zee zenn nich fon de Welt, kraikt zoo aus ekj nich fon de Welt zen.

15 “Ekj bed nich daut dü ent zust üt de Welt rüt nämen, öba daut dü ent zust fon dem Beezen hoolen.

16 “Zee zenn nich fon de Welt, kraikt zoo aus ekj nich fon de Welt zen.

17 “Heilich ent derrch diene Woarheit. Dien Wuat es Woarheit.

18 “Zoo aus dü mie en de Welt nen shekjst, zoo shekj ekj ent uk en de Welt nen.

19 “Un om äats haulwen heilich ekj mie zelfst, daut zee uk muchthen jeheilicht zenn derrch de Woarheit.

20 “Ekj bäd nich fe dize auleen, öba uk fe dee waut woarren aun mie jleewen derrch äa Wuat;

21 “daut zee aula muchten eent zenn zoo aus dü, Föda, best en mie, un ekj en die; daut zee uk muchten eent zenn en ons, daut de Welt mucht jleewen daut dü mie jeshekjt hast.

22 “Un de harrlichkjeit waut dü mie jejäwt hast ha ekj ent jejäwt, daut zee muchten eent zenn kraikt zoo aus wie eent zenn:

23 “Ekj en ent, un dü en mie; daut zee muchthen folkömen jemäakt woarren en eent, un daut de Welt mucht weeten daut dü mie jeshekjt hast, un hast ent jeleewt zoo aus dü mie leewzd.

24 “Föda, ekj wel daut dee uk, waut dü mie jejäwt hast, muchten met mie zenn wua ekj zen, daut zee muchthen miene Harrlichkjeit zeenn waut dü mie jejäwt hast; dan dü leewzd mie ferr dem Grunt fon de Welt.

25 “O jeraichta Föda! De Welt haft die nicht jekjant, öba ekj ha die jekjant; un dize han jewist daut dü mie jeshekjt hast.

26 “Un ekj ha dienem Nömen too ent jezaicht , un woa ent daut zaijen, daut de Leew met woone dü mie jeleeft hast mucht en ent zenn, un ekj en ent.”