2:1  Un jünt haft hee läwentich jemäakt, dee doa Doot wiarren en Äwaträdungen un Zinden,

2  en woone jie too eene Tiet waundelden nö de Tieden fon dize Welt nö, nö dem Ferrsht fon de Machtraicht fon de Loft, de Jeist waut nü wirrkt en de Zäns fon Onjehoorrzomkjeit,

3  mank wäm wie uk too eene Tiet waundelden en de Losten fon ons Fleesh, un errfelden de Felangungen fon det Fleesh un fon dem Zen, un wiarren derrch Natüa de Kjinja fon Wut, kjraikt zoo aus aundre.

4  Öba Got, dee doa rikj es en Errboarrmunk, wäajen ziene groote Leew met woone hee ons Leewd,

5  aus wie zoogoa noch Doot wiarren en Äwaträdungen, müak hee ons läwentich met Kjristus, dan derrch Jnöd ze wie jeradt,

6  un recht ons toop op, un müak ons toop zeten en himelshe Städa en Kjristus Jeezus,

7  daut hee ons mucht de äwatrafliche Rikjdoms fon ziene Jnöd wiezen en de kömende Tieden en ziene Leeftölichkjeit jäajen ons en Kjristus Jeezus.

8  Dan derrch Jnöd ze jie jeradt worrden, un daut nich üt jünt zelfst; daut es de Göw fon Got,

9  nich fon Woakjen, doamet kjeena zul puchen.

10 Dan wie zenn ziene Oabeitskonst, jeshauft en Kjristus Jeezus fe goode Woakjen, waut Got en dem Ferüt haud reed jemäakt daut wie zulen doa benen waundeln.

11  Doawäajens erinat daut jie too eene Tiet Heiden wiarren en det Fleesh, jie dee doa de Onbeshnädne jenant zenn bie daut waut de Beshniedunk jenant es, jemäakt en det Fleesh bie Henj,

12 daut jie too dee Tiet önen Kjristus wiarren, wiels jie zenn Ütlenda fon de Bierjaraicht fon Iesra’eel, un  Framde too de Bestemungen fon de Fespräakjunk, un hauden kjeene Höpninj un wiarren önen Got en de Welt.

13 Öba nü en Kjristus Jeezus, jie dee doa too eene Tiet wiet auf wiarren, zenn worrden nö’aun jebrocht derrch det  Bloot fon Kjristus.

14  Dan hee zelfst es onze Fräd, dee beid eent jemäakt haft, un haft de Medelwaunt fon de sheedinj döl jebräaken,

15 un haft det Fientshoft fon det Fleesh waich jedönn, daut es, det Jezats fon Jebooten en Orrdnungen, toom en zikj zelfst een niejen Maun too mäaken fon twee, un zoo Fräd too mäaken,

16  un daut hee mucht dee beid toop brinjen nö Got en eenem Kjarrpa derrch dem Kjriets, un doamet det Fientshoft Doot mäaken.

17 Un hee kjeem un prädicht Fräd too jünt dee doa wiet auf wiarren un too dee waut dicht bie wiarren.

18 Dan derrch am ha wie beid Toogank derrch eenem Jeist nö dem Föda.

19  Nü, doawäajens ze jie nich lenja Framde un Ütlenda, öba Mebierja met de Heilje un Jlieda fon det Hüshault fon Got,

20  wiels wie zenn jebüt op dem Grunt fon de Aposteln un Profeeten, Jeezus Kjristus zelfst es de Haupt Aiksteen,

21  en wäm det gaunse Jebied, waut toop jelausht es, waust en un heiljen Tempel nen en dem Harrn,

22  en wäm jie uk toop woarren opjebüt fe ne Wönunksstäd fe Got en dem Jeist.