5:1 Doawäajens stöt faust en de Frieheit derrch woone Kjristus ons haft frie jemäakt, un woat nich wada fewekjelt met dem Joch fon sklöwarie.

2  Werrkjlich ekj, Paulus, zaij too jünt daut went jie zenn beshnäden worrden, loont Kjristus jünt nusht.

3  Un ekj seij wada too jieda Mentsch waut beshnäden woat daut hee es shuldich det gauntse Jezats too hoolen.

4  Jie zenn waich jegönn fon Kjristus, jie dee doa proowen Jeraichtfoadicht too woarren derrch det Jezats; jie zenn jefolen fon Jnöd.

5  Dent wie lüarren jiarren fe de Jeraichtichkjeit fon dem Gloowen derrch dem Jeist.

6  Dent en Kjristus Jeezus, nich Beshniedunk un uk nich önen beshnäden zenn haft irrjent Fedeenst, öba Gloowen waut derrch Leew wirrkt.

7  Jie rentden sheen. Wäa hindad jünt fon de Woarheit Jehoorrzom too zenn?

8  Dize Äwatseijunk kjemt nich fon däm dee jünt roopt.

9  Un besje Häw, häwt dem gaunsen klumpen.

10  Ekj ha Toofetrüjunk en jünt, en dem Harrn, daut jie woarren kjeen aundrem Zen hent; öba dee waut jünt trubelt woat zienem Jerecht dräujgen, wäa’ema hee es.

11  Un ekj, Breeda, went ekj noch de Beshniedunk prädich, wuarom lied ekj noch ema Fefoljunk? Dent haft de Beleidjunk fon dem Kjriets opjehiat.

12  Ekj kun wenschen daut dee waut jünt trubeln wuaden zikj zelfst beshnieden!

13 Dent jie, Breeda, zenn jeroopt worrden too frieheit; bloos doot nich dize Frieheit bruken aus ne jeläajenheit fe det Fleesh, öba deent eena dem aundrem derrch Leew.

14  Dent det gaunse Jezats es errfelt en een Wuat, zoogoa dit: “Du zaust dienem Nöba leewen zoo aus die  zelfst.” ^{3 Mo 19:18}

15  Öba went jie eena dem aundrem bieten un opshluken, paust op zust woa jie met eenmöl opjeshlukt fon un aundrem!

16  Ekj zaij dent: Waundelt en dem Jeist, un jie woarren nich de Felentgungen fon det Fleesh errfelen.

17  Dent det Fleesh jielt jäajen dem Jeist, un de Jeist jäajen det Fleesh; un dize zenn eena dem aundrem jäajenäwa, zoo daut jie nich de Dinja doonn waut jie welen.

18  Öba went jie jeleidt zenn bie dem Jeist, ze jie nich unja det Jezats.

19  Nü de Woakjen fon det Fleesh zenn öpenboat, un zenn: Eehezind,[1] Hüararie, Onreinichkjeit, Shomploozickjeiten,

20  Aufgotsdeenst, Zaubarie, Fiendshoft, Striet, Aufgonst, Wut, politishe  Spoolinjen, Errgloowes,

21  Neit, Merdash,[2] Züparie, Nachtjeshwien, un irrjent zoowaut; fon waut ekj jünt en dem Ferüt zaij, kraikt zoo aus ekj jünt en fegönende Tiet jezaicht ha, daut dee waut zoone Dinja begönn woarren nich Got zien Rikj oawen.

22  Öba det Frucht fon dem Jeist es Leew, Freid, Fräd, Jedult, Leeftölichkjeit, Opraichtichkjeit, Trü zenn,

23  Jelindichkjeit, Beharrshunk. Jäajen zoone es kjeen Jezats.

24  Un dee waut Kjristus ziene zenn hent det Fleesh jekjrietsicht met de Hetsichkjeiten un Felentgungen.

25  Went wie en dem Jeist läwen, löt ons uk en dem Jeist waundeln.

26  Löt ons nich Iabejiarich woarren, eena dem aundrem opreitsen, eena dem aundrem aufjentstich zenn.

[1] NU-Taikst lat Eehezind üt.

[2]NU-Taikst lat Merrdash