8:1  Aus hee haud dem zäwenden Zäajel öp jemäakt, wia daut stel en dem Himel fe rom ne haulwe Stund.

2  Un ekj zach de zäwen Enjeln waut doa ferr Got stunden, un too dee wiarren zäwen Trompeeten jejäwt.

3  Dan kjeem noch een Enjel, waut doa un goldna Rüakfaut haud, un dee stunt bie dem Aultoa. Am wia fäl Rüakstof jejäwt daut hee daut zul opferrn met de Jebäda fon de Heilje op dem goldnen Aultoa waut doa ferr dem Troon jezat wia.

4  Un det Rüak fon det Rüakstof, met de Jebäda fon de Heilje, fua nop ferr Got fon dem Enjel ziene Haunt.

5  Dan noom de Enjel det Rüakfaut, feld daut met Fia fon dem Aultoa, un shmeet daut nö de Iad. Un doa wiarren Jelüden, Rumels, Blitsen, un un Iadbäben.

7  De iashta Enjel blözd: Un Häujgel un Fia foljd, jemisht met Bloot, un dee wiarren nö de Iad jeshmäten.[1] Un un dredel fon de Beem wiarren febrent, un aul det Graus wia febrent.

8  Un de tweeda Enjel blözd: Un irrjentwaut zoo aus un grooten Boach waut brend met Fia worrt en de Zee nen jeshmäten, un un dredel fon de Zee worrt aus Bloot.

9  Un un dredel fon de läwenje Kjreejatüarren en de Zee jinjen Doot, un un dredel fon de Shäp wiarren fenicht.

10  Dan blözd de dreda Enjel: Un un grootet Stiarrn fol fon dem Himel, un brend zoo aus un Fachel, un daut fol op un dredel fon de Riefash un de Wötasprinkjen.

11  De Nömen fon det Stiarrn wia Worrmholt. Un dredel fon de Wötash worrden Worrmholt, un fäle Menschen storrwen fon det Wöta, wiels daut beta wia jemäakt.

12  Dan blözd de fiada Enjel: Un un dredel fon de Zon wia jetrofen, un dredel fon de Mön, un un dredel fon de Stiarrn, zoo daut un dredel fon dee diesta worrden. Un dredel fon dem Dach sheenen dee nich, un kjraikt zoo de Nacht.

13  Un ekj kjikjt, un ekj hiad un Enjel[2] derrch de med fon dem Himel fläjen un dee zäd met ne lude Stem, “Wee, wee, wee too de Bewöna fon de Welt, wäajen det äwajet fon det Jeblöz fon de Trompeet fon de äwaje fon de dree Enjeln waut botem blözen zenn!“

[1] NU-un M Taiksten laijen bie Un un dredet Poat fon de Iad wia opjebrent.

[2] NU un M Taiksten läzen Ödla.