15:1  Wie dan, dee waut stoakj zenn zulen dem Jewesen dräujgen fon de shwake, un nich ons zelfst jefaulen.

2  Löt un jieda eenem fon ons zienem Nöba jefaulen fe zien goots, waut doa toom opbüjen leidt.

3  Dan zoogoa Kjristus läwd nich fe zienem Jefaulen; öba zoo aus daut jeshräwen es, “De Beshuldjungen fon dee waut die beshuldichten folen op mie.“ ^{Ps. 69:9}

4  Dan wautema fe Dinja en dem Ferüt wiarren jeshräwen, wiarren fe onze Lia jeshräwen, daut wie muchten derrch Jedult un Troost fon de Shreften Höpninj han.

5   Nü mucht de Got fon Jedult un Troost jünt daut jäwen daut jie äwareen jezonn zen eena too dem aundrem, nö Kjristus Jeezus nö,

6  daut jie muchten met eenem Zen un een Mül Got dem Föda fon onzem Harrn Jeezus Kjristus feharrlichen.

7   Doawäajens nämt eena dem aundrem op, kraikt zoo aus Kjristus [1]ons op noom  too Got ziene Harrlichkjeit.

8  Nü ekj zaij daut Jeezus Kjristus es de Deena jeworrden too de Beshniedunk fe de Woarheit fon Got, toom de Fespräakjungen beheipten waut too de Födash jemäakt wiarren,

9  un daut de Heiden muchten Got feharrlichen fe ziene Errboarrmunk, zoo aus daut jeshräwen es:

 

“Fe dize Uazäak woa ekj bekjann too die mank

                 de Heiden,

          Un too dienem Nömen zinjen.“ ^{2 Za 22:50 Ps 18:49}

 

10  Un wada zaicht hee:

 

“Freit jünt, Ö Heiden, met ziene

                Menschen!” ^{5 Mo. 32:43}

 

11  Un wada:

 

“Löwt dem HARRN, aul jie Heiden!

          Preizt am, aul jie Menschen!“ ^{Ps 117:1}

 

12  Un wada, Jezaija zaicht:

 

“Doa zaul ne Warrtel zen fon Jesie;

          Un dee waut zaul opstönn toom äwa de

                Heiden räajelen,

          En am zelen de Heiden

                höpen.” ^{Jez 11:10}

 

13   Nü mucht de Got fon Höpninj jünt felen met Freid un Fräd en jleewen, daut jie muchten äwarann en Höpninj derrch de Krauft fon dem Heiljen Jeist.

14  Nü ekj zelfst zen jetreest wäajen jünt, miene Breeda, daut jie uk fol zenn fon goots, jefelt met aule Wissenshoft, un kjenn eena dem [2]aundrem femönn.

15  Öba doch, Breeda, ekj ha driesta nö jünt jeshräwen op wese Punkten, zoo aus toom jünt denkjen halpen, wäajen de Jnöd fon Got waut mie jejäwt es worrden,

16  daut ekj mucht de Deena fon Jeezus Kjristus zen too de Heiden, wielt ekj det Eefanjeeliejum fon Got deen, daut daut Opfa fon de Heiden mucht aunjenäm zen, jeheilicht derrch dem Heiljen Jeist.

17  Doawäajens ha ekj Uazäak toom puchen en Kjristus Jeezus en de Dinja waut Got aunbelangen.

18  Dan ekj wäujg mie nich too räden fon irrjent fon dee Dinja waut Kjristus haft foadich jemäakt derrch mie, en Wuat un Dot, toom de Heiden jehoorzom mäaken;

19  en mechtje Täkjens un Wundash, derrch de Krauft fon dem Jeist fon Got, zoo daut fon Jerüzalem un rom bot Iliarikum ha ekj fefol det Eewanjeliejum fon Kjristus jeprädicht.

20  Un zoo ha ekj daut mien Siel jemäakt det Eefanjeeliejum too prädjen, nich wua Kjristus zien Nömen öl jeneemt es, doamet ekj nich zul op un aundrem ziene Grunt büjen

21  öba zoo aus daut jeshräwen es:

 

“Too wäm hee nich aunjemaldt wia, dee

                woarren zeenn;

          Un dee waut nich jehiat han woarren

                festönn.“ ^{Jez 52:15}

 

22   Dan fe dize Uazäak zen ekj uk fäl fehindat jeworrden fon nö jünt kömen.

23  Öba nü wielt ekj nich lenja ne Städ ha en dize Poat, un wielt ekj un grooten Felangen jehaut ha dize fäle Joarren nö jünt too kömen,

24  wanema ekj nö Spanien Reiz, [3]woa ekj nö jünt kömen. Dan ekj höp jünt too zeenn op miene Reiz, un toom jeholpen woarren op mienem Waich doahan bie Jünt, daut ekj iasht mucht jüne Jezalshoft fejniejen fe un stootsje.

25  Öba nü gö ekj nö Jerüzalem toom de Heilje doa deenn.

26  Dan daut jefol dee fon Masedöniejan un Akäjan un weset Besharunk mäakjen fe de oame mank de Heilje waut en Jerüzalem zenn.

27  Daut jefol ent werrkjlich, un zee zenn äare Shildna. Dan wan de Heiden zenn fon äare jeistelje Dinja Deelnäma jeworrden, dan es äare Flicht uk toom ent deenn en matieriejölshe Dinja.

28  Doawäajens, wan ekj dit ha foadich jebrocht un ha dize Frucht too ent jezäajelt, ekj woa bie dem Waich fon Spanien nö jünt kömen.

29  Öba ekj weet wan ekj iasht nö jünt köm, ekj woa kömen en de folheit fon dem Zäajen fon det [4]Eefanjeeliejum fon Kjristus.

30   Nü ekj pracha jünt Breeda, derrch dem Harrn Jeezus Kjristus, un derrch de Leew fon dem Jeist, daut jie toop sträwen met mie en Jebäda too Got fe mie,

31  daut ekj mucht jeradt woarren fon dee en Jüdäja waut nich jleewen, un daut mienem Deenst fe Jerüzalem mucht aunjenäm zen too de Heilje,

32  daut ekj mucht nö jünt kömen met Freid derrch Got zienem Welen, un mucht opjefresht woarren met jünt toop.

33  Nü mucht de Got fon Fräd met jünt aula zenn. Amen.

[1] NU-Taikst un M – Taikst läzen jünt.

[2] M-Taikst last aundre.

[3] NU-Taikst lat üt ekj…woa nö jünt kömen un febinjt Spanien met dem näaksten Zauts.

[4] NU-Taikst lat Eefanjeeliejum üt.