6:1  Wäacht irrjent eena fon jünt, dee doa ne Zach jäajen un aundrem haft, nö det Jezats too gönn ferr de Onjeraichte, un nich ferr de Heilje?

2  Weet jie nich daut de Heilje de Welt woarren rechten? Un wan de Welt woat bie jünt jerecht woarren, ze jie nich wirrdich de kjlanste Dinja too rechten?

3  Weet jie nich daut wie woarren Enjeln rechten? Woo fäl meeja dan, Dinja waut too doonn han met dit Läwen?

4  Wan jie dan Rechtungen han äwa de Dinja waut too doonn han met dit Läwen, stal jie dee op toom rechten waut det weinichste je’acht zenn?

5  Ekj zaij dit too jüne shaund. Es daut zoo daut doa nich un weiza Maun mank jünt es, nich eena waut woat kjenn rechten tweshen ziene Breeda?

6  Öba Brooda jeit nö det Jezats jäajen Brooda, un daut ferr de Onjleewende!

7  Nü Doawäajens, es daut öl un gaunsa Fäla fe jünt daut jie nö det Jezats gönn eena jäajen dem aundrem. Wuarom näm jie nich leewa waut onraicht es? Wuarom löt jie jünt nich leewa Auflaupsen?

8  Nä, jie zelfst doonn onraicht un beshumeln, un jie doonn dize Dinja too jüne Breeda!

9  Weet jie nich daut de Onjeraichte nich woarren det Gotesrikj oawen? Ziet nich bedräacht. Nich de Hüra, uk nich de Eehezinda, uk nich Maunsfedoawa, uk nich de Zodomieta,

10  uk nich Deew, uk nich de Aufjentsje, uk nich de Züpa, uk nich de Shempa ooda Auflaupsa woarren det Gotesrikj oawen.

11  Un zoone wiarren wese fon jünt. Öba jie wiarren jewoshen, jie wiarren jeheilicht, öba jie wiarren Jeraichtfoadicht en dem Nömen fon dem Harrn Jeezus un derrch dem Jeist fon onzem Got.

12   Aule Dinja zenn Jezatsmäsich fe mie, öba nich aule Dinja zenn halpfol. Aule Dinja zenn jezatsmäsich fe mie, öba ekj woa nich unja de Machtraicht fon irrjent fon dee jebrocht woarren.

13  Äten es fe dem Buk un de Buk fe Äten, öba Got woat beides daut uk dee fedoawen. Nü de Kjarrpa es nich fe Hürarie öba fe dem Harrn, un de Harr fe dem Kjarrpa.

14  Un Got beides recht dem Harrn op un woat uk ons oprechten derrch ziene Krauft.

15  Weet jie nich daut jüne Kjarrpash Jlieda fon Kjristus zenn? Zul ekj dan de Jlieda fon Kjristus nämen un mäaken ent Jlieda fon ne Hüa? Zecha nich!

16  Ooda weet jien nich daut dee waut toop jelausht es met ne Hüa es een Kjarrpa met arr? Dan „De twee,“ zaicht hee, „zelen een Fleesh woarren.“ ^{1 Mo. 2:24}

17  Öba dee waut toop jelausht es met dem Harrn es een Jeist met am.

18  Flicht fon Hürarie. Jieda Zind waut un Mensch deit es büta dem Kjarrpa, öba dee waut Hürarie eewt zindicht jäajen zienem äjenen Kjarrpa.

19  Ooda weet jie nich daut jün Kjarrpa de Tempel fon dem Heiljen Jeist es, dee doa en jünt es, wäm jie fon Got han, un jie zenn nich jüne äjene?

20  Dan jie wiarren jekoft met un Pries; Doawäajens feharrlicht Got en jünem Kjarrpa un en jünem Jeist, dee doa Got ziene zenn.