3:1  Fang wie wada aun ons zelfst too löwen? Ooda fält ons daut zoo aus wese aundre, aun Breew waut ons löwen too jünt ooda Breew waut ons löwen fon jünt?

2  Jie zenn onzem Breef jeshräwen en onze Hoaten, jekjant un jeläst bie aule Menschen:

3  gauns kloa ze jie un Breef fon Kjristus, jedeent bie ons, nich jeshräwen met Tint öba bie dem Jeist fon dem läwenjen Got, nich op steenane Töfeln öba op Töfeln fon Fleesh, daut es, fon det Hoat.

4  Un wie han zoon fetrüjen derrch Kjristus, Got optoo.

5  Nich daut wie toolenklich zenn irrjent waut too denkjen fon ons zelfst aus wan daut fon ons zelfst wia, öba onze Toolenklichkjeit es fon Got,

6  dee ons toolenkjlich haft jemäakt aus Deena fon dem niejen Bunt, nich fon dem Lata öba fon dem Jeist; dan de Lata mäakt Doot, öba de Jeist jeft läwen.

7  Öba wan de Deenst fon dem Doot, jeshräwen un ütjebeitelt op steena harrlich wia, zoo daut de Kjinja Iesra’eel nich kunn iarrentslich nö Moozes zienem Jezecht kjikjen wäajen de Harrlichkjeit fon zienem Aunjezecht, woone Harrlichkjeit öl feshwinjen deed,

8  woo woat de Deenst fon dem Jeist nich noch dola harrlich zenn?

9  Dan wan de Deenst fon de Fedaumnis Harrlichkjeit haud, de Deenst fon Jeraichtichkjeit haft fäl meeja Harrlichkjeit.

10  Dan zoogoa, waut wia Harrlich jemäakt haud kjeene Harrlichkjeit en dizem Respaikt, wäajen de Harrlichkjeit waut fäl hecha wia.

11  Dan wan waut doa feshwinjt Harrlich es, waut blift es fäl dola Harrlich.

12  Doawajens, wan wie zoone Höpninj han, bruk wie zeeja drieste Räd,

13  nich zoo aus Moozes, dee doa un Shleija äwa zienem Jezecht deed zoo daut de Kjinja Iesra’eel nich kunn iarrentslich kjikjen nö det Enj fon waut doa dan öl feshwinjen deed.

14  Öba äare Zenen wiarren feblendt. Dan bot disem Dach blift de nämelje Shleija önen opojehöwen en det läzen fon det Oolet Tastament, wiels de Shleija woat waich jenömen en Kjristus.

15  Öba bot disem Dach, wan Moozes jeläst woat, blift ne Shleija op äa Hoat.

16  Doch wan eena nö dem Harrn dreit, woat de Shleija waich jenömen.

17  Nü de Harr es de Jeist; un wua de Jeist fon dem Harrn es, doa es Loosjäwunk.

18  Öba wie aula, met un onjeshleijadet Jezecht, wiels wie de Harrlichkjeit fon dem Harrn bezeenn aus en un Späjel, zenn fewaundelt en det nämeljet Aufbilt nen fon Harrlichkjeit bot Harrlichkjeit, kraikt zoo aus derrch dem Jeist fon dem Harrn.