3:1  Ö noarishe[1] Galata!  Wäa haft jünt behaikst daut jie nich zulen de Woarheit horrchen,[2] ferr wäm ziene Üajgen Jeezus Kjristus kloa es bewäzen mentk jünt aus jekjrietsicht?[3]

2  Dit auleen wuad ekj jleichen too liarren fon jünt: Kjräch jie dem Jeist derrch de woakjen fon det Jezats, ooda derrch det hiarren fon Gloowen?

3  Ze jie zoo onfestendich? Jie fongen aun en dem Jeist, woa jie nü jefoadicht derrch det Fleesh?

4  Ha jie zoo fäl Dinja jeläden fe nusht, went daut werrkjlich fenusht es?

5  Doawäajens dee waut jünt dem Jeist deent un shauft Wundash mentk jünt, deit hee daut derrch de Jezatsenwoakjen, oode derrch dem hiarren fon Gloowen?

6  Kraikt zoo aus Abraham  “Got  jleewd, un daut wia am toojeräakjent fe Jeraichtichkjeit.” ^{1 Mo 15:6}

7  Doawäajens weet, daut bloos dee waut fon dem Gloowen zenn, zenn Abraham ziene Zäns.

8  Un de Shreft, wiels dee en dem Ferüt zach daut Got wuad de Heiden raichtfoadjen derrch Gloowen, prädicht det Eefanjeeliejum too Abraham en dem Ferüt, un zäd, “En die woarren aul de Natsjoonen jezäajent  woarren.” ^{1 Mo. 12:3 18:18 22:18 26:4 28:14}

9  Zoo dent dee waut fon dem Gloowen zenn, zenn jezäajent met Abraham dee doa jleewd.

10  Dent zoo fäl aus fon de Jezatsenwoakjen zenn, zenn unja dem Fluch; dent daut es jeshräwen, „Feflucht es jieda’eena waut nich aunhelt en aul de Dinja waut jeshräwen zenn en det Büak fon det Jezats, dee too doonn.“ ^{5 Mo 27:26}

11  Öba daut kjeena woat jeraichtfoadicht derrch det Jezats en Got zienem Zecht es Kloa, dent „de Jeraichte  zelen derrch dem Gloowen läwen.“ ^{Ha 2:4}

12  Doch det Jezats es nich fon dem Gloowen, öba “De Mentsch waut dee deit zaul läwen derrch dee.” ^{3 Mo 18:5}

13  Kjristus haft ons loosjekoft fon dem Fluch fon det Jezats, un es un Fluch jeworrden fe ons, dent daut es jeshräwen, “Feflucht es jieda eena waut aun un Boom henjt”, ^{5 Mo 21:23}

14  daut de Zäajen fon Abraham mucht op aule Heiden kömen en Kjristus Jeezus, daut wie muchten de Fespräakjunk kjrient fon dem Jeist derrch Gloowen.

15  Breeda, ekj räd en de Mood fon Mentschen: Went daut uk möl bloos ne Mentschliche Febinjunk es, doch went daut bestädicht es, kjeena fenult daut ooda laicht doa bie.

16  Nü too Abraham un zien Zöt wiarren de Fespräakjungen jemäakt. Hee zaicht nich, „Un too Zöt  (Kjiena),“ aus fon fäle, öba aus fon eent, „Un too dien Zöt,“ ^{1 Mo 12:7 13:15 24:7} dee de Kjrist es.

17  Un ekj zaij dit, daut det Jezats, waut feeja hundat un darrtich Joa löta wia, kaun nich de Febinjunk fenulen waut doa fon Got bestädicht wia en Kjristus,[4] daut daut zul de Fespräakjunk too nusht mäaken.

18  Dent went de Oaftgoot fon det Jezats wia, es daut nich meeja fon fespräakjunk; öba Got jeef daut nö Abraham derrch Fespräakjunk.

19 Waut fon Aufzecht deent det Jezats dent? Daut wia biejelaicht wäajen Äwaträdungen, bot det Zöt zul kömen too wäm de Fespräakjunk wia jemäakt; un daut wia aunje’orrdnat derrch Enjeln derrch de Haunt fon  un Femedla.

20  Nü un Femedla deit nich fe bloos eenem femedeln, öba Got es eena.

21  Es det Jezats dent jäajen de Fespräakjungen fon Got? Zecha nich! Dent went doa wia un Jezats jejäwt waut haud kunt läwen jäwen, werrkjlich Jeraichtichkjeit wuad zenn derrch det Jezats jewast.

22  Öba de Shreft haft aulem faust jenömen unja Zind, daut de Fespräakjunk derrch Gloowen en Jeezus Kjristus mucht jejäwt woarren too aul dee waut jleewen.

23  Öba eeja Gloowen kjeem, wia wie jehoolen unja de Wäak fon det Jezats, jehoolen fe dem Gloowen waut zul nöhäa jeöpenboat woarren.

24  Doawäajens det Jezats wia ons Priewautliara ons nö Kjristus too brinjen, daut wie muchten Jeraichtfoadicht woarren derrch Gloowen.

25  Öba nö däm daut Gloowen es jekömen, ze wie nich meeja unja un Priewaultliara.

26  Dent jie zenn aula Got ziene Zents derrch Gloowen en Kjristus Jeezus.

27  Dent zoo fäl fon jünt aus en Kjristus wiarren nen jedeept hent Kjristus aunjetroken.

28  Doa es nich Jüd ooda Jriech, doa es nich Sklöw ooda Frie, doa es nich Maun ooda Frü; dent jie zenn aula eent en Kjristus Jeezus.

29  Un went jie Kjristus ziene zenn, dent ze jie Abraham zien Zöt, un Oawen nö de Fespräakjunk nö.

[1] Onfestendje, Friezen.

[2]  NU- Taikst lat üt daut jie nich zulen de Woarheit horrchen.

[3] NU-Taikst lat jünt üt.

[4] NU-Taikst lat Kjristus üt.