16:1  Ekj löw Fiebie  onze Zesta fäa too jünt, dee doa ne Deenarin fon de Kjoakj fon Senkjriejan es,

2  daut jie arr opnämen en dem Harrn op ne Oat achtungswiat fe de Heilje, un stöt met arr en wautema fe Jeshaft zee Noot haft fon jünt; dan zee es werrkjlich un Halpa fon fäle un fon miezelfst uk.

3  Jreest Prisila un Akwila, miene Metoabeida en Kjristus Jeezus,

4  dee doa äare äjene Jenekjs en jefoa zaden fe mien Läwen, too wäm ekj nich bloos Dank jäw, öba uk aul de Heiden Kjoakjen.

5  Kraikt zoo, jreest de Kjoakj waut en äat Hüs es. Jreest mienem jeleewden [1]Epainetos, dee doa de iashte Frucht fon Akäja wia too Kjristus.

6  Jreest Marieja, dee doa fäl shauft fe ons.

7  Jreest Androneekos un Jünieja, miene Metbierja un miene Metjefangne, dee doa ütjetäkjent zen mank de Aposteln, dee uk en Kjristus wiarren ferr mie.

8  Jreest Ampliejas, mienem jeleewden en dem Harrn.

9  Jreest Urbanus, ons Metoabeida en Kjristus, un Stakus, mienem jeleewden.

10  Jreest Apeles, gootjestampelt en Kjristus. Jreest dee waut fon det Hüshault fon Aristobjulus zen.

11 Jreest Herödiejon, mien Metbierja. Jreest dee waut fon det Hüshault fon Narrsisus zenn, dee en dem Harrn zenn.

12  Jreest Trifiena un Trofösa, dee jerakat han en dem Harrn. Jreest dem jeleewden Perrsis, dee doa fäl rakad en dem Harrn.

13  Jreest Roofus, jewält en dem Harrn, un ziene Muta un miene.

14  Jreest Asinkritus, Flegon, Herrmas, Patrobas, Herrmes, un de Breeda waut met ent zenn.

15  Jreest Filologus un Jülieja, Neroos un ziene Zesta, un Ölimpas, un aul de Heilje waut met ent zen.

16  Jreest eena dem audrem met un Heiljen Kus. Kjristus ziene [2]Kjoakjen jreesen jünt.

17   Nü ekj sporrn jünt aun, Breeda, täkjent dee üt waut Deelungen un Steetungen fe’uazäaken waut  jäajen de Lia zen waut jie jeliat han, un doot ent meiden.

18  Dan dee waut Zoone zen deenn nich dem Harrn Jeezus Kjristus, öba äarem äjenen Buk un met glaute Wiad, un met jeshmeichelde räd feloken de Hoaten fon de Eefache.

19  Dan jüne Jehoorrzomkjeit es jekjant worrden bie aulem. Doawäajens zen ekj froo om jünts haulwen; öba ekj wel han daut jie zulen weis zenn en waut goot es, un eefach äwa shlaichtet.

20  Un de Got fon fräd woat Zötön en dem Korrten unja jüne Feet fekjwaschen. Mucht de Jnöd fon onzem Harrn Jeezus Kjristus met jünt zen. Amen.

21   Timotäjus, mien Metoabeida, un Lusiejus, Jason, un Sosipäter, miene Metbierja, jreesen jünt.

22  Ekj, Terrshiejus, dee doa disem Breef shreef, jrees jünt en dem Harrn.

23  Gäjus, mien Hüswiat un de Hüswiat fon de gaunse Kjoakj, jreest jünt. Erastus, de Kausenfiara fon de Staut jreest jünt, un Kwoarrtus, un Brooda.

24  [3]De Jnöd fon onzem Harrn Jeezus Kjristus zie met jünt aula. Amen.

Fe’endad an too ent un Mensch too Mensch

Efangeliejum too Eefanjeeliejum

25   Nü too däm waut jünt kaun Staunthauft mäaken nö mienem Eefanjeeliejum nö, un de Prädich fon Jeezus Kjristus, nö de Öpenboarunk fon dem Jeheemnis nö waut jeheem wia jehoolen fon don aus de Welt aunfonk

26  öba es nü öpenboat, un derrch de Profeetishe Shreften es öpenboat too aule Natsjoonen, nö det Jeboot fon dem eewjen Got nö, fe de Jehoorrzomkjeit too dem Gloowen,

27  [4]mucht Harrlichkjeit too Got auleen zen derrch Jeezus Kjristus fe’ema. Amen.

(Jeshräwen nö de Reema fon Korint, un jeshekjt bie Fiebie, Deenarin fon de Kjoakj bie Senkjrieja.)

[1] NU-Taikst last Asieja.

[2] NU-Taikst last aul de Kjoakjen.

[3] NU-Text omits this verse.

[4] M-Taikst deit Reema 16:25-27  nö Reema 14:23.