6:1  Waut zel wie dan zaijen? Zul wie aunhoolen en Zind daut Jnöd mucht äwarann?

2  Zecha nicht! Woo zel wie, dee jestorrwen zen too Zind, noch lenja doa benen Läwen?

3  Ooda weet jie nich daut zoo fäle fon ons aus en Jeezus Kjristus nen jedeept wiarren, wiarren en zienem Doot nen jedeept?

4  Doawäajens wia wie begröft met am derrch de Doop en dem Doot nen, daut jröd zoo aus Kjristus opjerecht wia fon de Doodes derrch de Harrlichkjeit fon dem Föda, kraikt zoo zul wie en de Nie‘ichkjeit fon det Läwen waundeln.

5  Dan wan wie zen toopjelausht en de Äjenlichkjeit fon zienem Doot, zecha uk, woa wie en de Äjenlichkjeit fon ziene Oparrstönunk zen,

6  wiels wie weeten dit, daut ons oola Mensch jekjrietsicht wia met am, daut de Kjarrpa fon Zind mucht waich jedönn woarren, daut wie nich lenja zulen Sklöwen zenn fon Zind.

7  Dan dee waut jestorrwen es, es frie jemäakt fon Zind.

8  Nü wan wie zenn jestorrwen met Kjristus, jleew wie daut wie uk woarren läwen met am,

9  wiels wie weeten daut Kjristus, wiels hee es worrden opjerecht fon de Doodes, stoawt nich meeja. De Doot haft nich lenja Harrshoft äwa am.

10  Dan de Doot waut hee storrf, storrf hee eenmöl too Zind fe aulem; öba det Läwen waut hee läwt, läwt hee too Got.

11  Zoo räakjent jie jünt zelfst uk Doot too zen too Zind, öba läwentich too Got en Kjristus Jeezus onzem Harrn.

12  Doawäajens löt Zind nich Harrshen en jünem stoaflichen Kjarrpa, daut jie daut zulen jehoorrzom zenn en äare Losten.

13  Un doot nich jüne Jlieda hanjäwen aus Instrumenten too Zind, öba beshenkjt jünt zelfst too Got aus dee waut läwentich zen fon dem Doot, un jüne Jlieda aus Instrumenten fon Jeraichtichkjeit too Got.

14  Dan Zind zaul nich Harrshen äwa jünt, dan jie zenn nich unja det Jezats öba unja Jnöd.

15  Waut dan? Zul wie zindjen wiels wie nich unja det Jezats zen, öba unja Jnöd? Zecha nich!

16  Weet jie nich daut too wäm jie jünt zelfst hanjäwen Jehoorrzom too zenn aus Sklöwen, jie zenn däm ziene Sklöwen wäm jie jehoorrzom zenn; wan fon Zind waut too dem Doot leidt, ooda Jehoorrzomkjeit waut too de Jeraichtichkjeit leidt?

17  Öba Got zie jedankt daut jie wiarren Sklöwen fon Zind, doch horrcht jie fon jüne Hoaten dee Forrm fon de Lia too waut jie äwajäwt wiarren.

18  Un wiels jie frie zenn jezat fon Zind, ze jie Sklöwen jeworrden fon Jeraichtichkjeit.

19  Ekj räd en Menschliche Wiad wäajen de Shwakheit fon jün Fleesh. Dan kraikt zoo aus jie jüne Jlieda hanjeewen aus Sklöwen fon Onreinichkjeit, un fon Jezatsloozichkjeit waut nö meeja Jezatsloozichkjeit leidt, zoo jäwt nü jüne Jlieda han aus Sklöwen fon Jeraichtichkjeit fe Heilichkjeit.

20  Dan aus jie Sklöwen fon Zind wiarren, wia jie Frie fon Jeraichtichkjeit.

21  Waut fone Frucht haud jie dan en dee Dinja fon waut jie jünt nü shämen? Dan det Enj fon dee Dinja es de Doot.

22  Öba nü daut jie Frie zenn fon Zind, un zenn Sklöwen jeworrden too Got, ha jie jüne Frucht too de Heiljunk, un det Enj, det eewje Läwen.

23  Dan de Loon fe Zind es de Doot, öba de Göw fon Got es det eewjet Läwen en Kjristus Jeezus onzem Harrn.